Asosiy / Yangiliklar / 🏛 Mahalla boshqaruvini samarali tashkil etish boʻyicha yangi islohotlar: Xotin-qizlar faolining vakolatlari va tizimdagi oʻzgarishlar. Oʻzbekiston Respublikasi Prezidentining 2026-yil 24-iyundagi “Mah...
🏛 Mahalla boshqaruvini samarali tashkil etish boʻyicha yangi islohotlar: Xotin-qizlar faolining vakolatlari va tizimdagi oʻzgarishlar. Oʻzbekiston Respublikasi Prezidentining 2026-yil 24-iyundagi “Mah...
Yangiliklar📅 22 Iyul 2026👁 87 ko'rishlar

🏛 Mahalla boshqaruvini samarali tashkil etish boʻyicha yangi islohotlar: Xotin-qizlar faolining vakolatlari va tizimdagi oʻzgarishlar. Oʻzbekiston Respublikasi Prezidentining 2026-yil 24-iyundagi “Mah...

🏛 Mahalla boshqaruvini samarali tashkil etish boʻyicha yangi islohotlar: Xotin-qizlar faolining vakolatlari va tizimdagi oʻzgarishlar. Oʻzbekiston Respublikasi Prezidentining 2026-yil 24-iyundagi “Mahalla boshqaruvini samarali tashkil etishga oid qoʻshimcha chora-tadbirlar toʻgʻrisida”gi PF-116-son Farmoni eʼlon qilinishi munosabati bilan mahalla institutining jamiyatdagi nufuzi va rolini kuchaytirish, faoliyatini raqamlashtirish hamda moliyaviy mustaqilligini taʼminlash boʻyicha keng koʻlamli islohotlar boshlandi. 📌 Xotin-qizlar faolining 10 ta asosiy xizmat vazifalari: •Huquqiy himoya: Xotin-qizlarning huquq va qonuniy manfaatlarini himoya qilish, ularga huquqiy tushunchalar berish va zarur hollarda tegishli tashkilotlarga yoʻnaltirish; •Ijtimoiy-siyosiy faollik: Xotin-qizlarning ijtimoiy-siyosiy faolligini oshirish, taʼlim imkoniyatlarini kengaytirishga koʻmaklashish hamda maʼnaviy-maʻrifiy tadbirlarga jalb etish; •“Ayollar daftari” tizimi: “Ayollar maslahat kengashi” jamoatchilik tuzilmalari bilan yaqin hamkorlikda daftarga kiritilgan xotin-qizlar bilan manzilli ishlarni amalga oshirish; •Tadbirkorlik va bandlik: Xotin-qizlarni kasb va tadbirkorlikka oʻrgatish, ularga kredit, subsidiya va boshqa davlat yordami choralarini jalb qilishda hokim yordamchisi bilan hamkorlik qilish; •Oila munosabatlarini sogʻlomlashtirish: Oilalardagi ijtimoiy-maʼnaviy muhit barqarorligini taʼminlash, notinch va ajrim yoqasiga kelib qolgan oilalar bilan profilaktika ishlarini olib borish; •Daromadlarni oshirish: Oilalar va xotin-qizlarning daromadlarini oshirishga hamda xotin-qizlar bandligini taʼminlashga koʻmaklashish; •Ijtimoiy-huquqiy va psixologik yordam: Ogʻir ijtimoiy ahvolga tushib qolgan xotin-qizlarga, mehnat migratsiyasidan qaytgan hamda ozodlikdan mahrum etish joylaridan qaytgan ayollarga konsultativ koʻmak koʻrsatish; •Tazyiq va zoʻravonlikka qarshi kurash: Xotin-qizlarni tazyiq va zoʻravonlikdan himoya qilish, huquqbuzarliklarning oldini olish hamda jabrlangan ayollarga belgilangan tartibda yordam koʻrsatilishini tashkil etish; Erta nikohning oldini olish: Yaqin qarindoshlar oʻrtasidagi va erta nikohlarning salbiy oqibatlarini tushuntirish, oilaviy qadriyatlarni mustahkamlash boʻyicha maqsadli tadbirlarni amalga oshirish; •Sogʻlom turmush tarzi: Xotin-qizlarni tibbiy koʻriklardan oʻtishga, jismoniy tarbiya, sport va sogʻlomlashtirish tadbirlariga tizimli ravishda jalb etish. Farmondagi boshqa muhim yangiliklar:

- "Mahalla yettiligi" faoliyati kuchaytiriladi;

- "Raqamli mahalla" platformasi ishga tushadi;

- "Mahallalarni moliyaviy qo'llab-quvvatlash kuchaytiriladi. Faoliyatga asossiz aralashish taqiqlanadi: “Mahalla yettiligi” aʼzolarini xizmat vazifalari bilan bogʻliq boʻlmagan ishlarga jalb etganlik uchun tuman (shahar) hokimlariga taqdimnomalar kiritish vakolati belgilandi.

Mazkur islohotlar mahalla institutini jamiyatdagi real muammolarni hal etuvchi mustaqil va xalqchil tuzilmaga aylantirishga qaratilgan. Xotin-qizlar faoliga berilgan aniq vakolatlar va tizimning raqamlashtirilishi ayollar huquqlarini himoya qilish, oilalarni sogʻlomlashtirish hamda mahallabay ishlash tizimining samaradorligini sifat jihatdan yangi bosqichga olib chiqadi.

Boshqa yangiliklar

Barcha yangiliklar →
📧

Obuna bo'ling

Yangiliklar va e'lonlarni birinchi bo'lib oling