
Farg‘ona viloyatidagi mahalla xotin-qizlar faollariga 18 mingdan ortiq...
Farg‘ona viloyatidagi mahalla xotin-qizlar faollariga 18 mingdan ortiq metodik adabiyotlar yetkazildi 📚"Oila va gender" ilmiy-tadqiqot instituti tomonidan Farg‘ona viloyatida tashkil etilgan mahalla xotin-qizlar faollari malakasini oshirish kurslari hamda “Kitoblar karvoni” tadbiri doirasida metodik va ma’rifiy adabiyotlar tarqatildi. ✔️Jumladan, oilaviy tarbiya, mas’uliyatli ota-onalik, reproduktiv salomatlik, oilaviy nizolar profilaktikasi, zo‘ravonlikning oldini olish, gender tenglik, oilada ma’naviy-axloqiy muhitni mustahkamlash va bolalar tarbiyasiga oid 17 nomdagi kitob va qo‘llanmalar mahallalarga yetkazildi.
✔️Mazkur adabiyotlar mahalla xotin-qizlar faollarining oilalar bilan ishlash, yoshlarni oilaviy hayotga tayyorlash, nizoli vaziyatlarni barvaqt aniqlash, zo‘ravonlik profilaktikasi hamda aholining huquqiy va psixologik savodxonligini oshirish bo‘yicha faoliyatini yanada samarali tashkil etishga xizmat qiladi.