Dekret puli - homilador ayollarga mehnatga layoqatsizlik davrida ularning moddiy taʼminotini kafolatlash uchun to'lanadigan mablag' hisoblanadi.

✍️Mehnat kodeksining 404-moddasiga ko’ra homilador ayolga tugʻruqqacha 70 kalendar kun va tugʻruqdan keyin 56 kalendar kun (tugʻish qiyin kechgan yoxud ikki yoki undan ortiq bola tugʻilgan taqdirda 70 kalendar kun) homiladorlik va tugʻish taʼtili berilib, oʻrtacha oylik ish haqining 75 foizidan kam boʻlmagan miqdorda nafaqa toʻlanadi.

✍️Vazirlar Mahkamasining 314-son qarori 35-bandiga koʻra, homiladorlik va tugʻish boʻyicha hamda yangi tugʻilgan bolani farzandlikka olgan yoki unga vasiy qilib belgilangan xodimga beriladigan nafaqalar xodim:

✔️ ishga qabul qilingan kundan 12 oygacha ish stajiga ega boʻlganda -oʻrtacha oylik ish haqining 75 foizi;

✔️ ishga qabul qilingan kundan 12 oy ortiq ish stajiga ega boʻlganda -oʻrtacha oylik ish haqining 100 foizi miqdorida toʻlanishi belgilangan.