Иқтидорли болаларни тарбиялашда ота-оналик кўникмаларини шакллантириш

Бугунги кунда келажак авлоднинг билимдон, маънавий жиҳатдан баркамол шахс бўлиб етишиши масаласи устивор вазифалардан биридир. Шунга кўра ушбу услубий қўлланмада иқтидорли болаларнинг ота-оналарига бериладиган амалий кўмак борасидаги муҳим машғулотлар, тавсиялар, умумпедагогик ва психодиагностик методикалар баён этилган. Шунингдек, иқтидорли бошланғич, ўрта ва юқори синф ўқувчиларининг хусусиятлари, уларнинг ота-оналари билан юзага келадиган муаммоларининг эътиборга лойиқ ечимлари берилган. Услубий қўлланмадан оила институти соҳаси мутахассислари, таълим-тарбия муассасаларида фаолият юритаётган педагоглар, психологлар ҳамда ота-оналар фойдаланишлари мумкин.