Замонавий раҳбарнинг корпоратив компетенциялар матрицаси

Глобал сиёсий-ижтимоий тенденциялар, экспоненциал тараққиёт, барча соҳаларда янги технологияларни ўзлаштириш, инновацияларни жорий қилиш - замонавий менежмент – ижтимоий бошқарув тизими олдига ҳам янги талабларни қўймоқда. Мазкур контекстда инновацион тафаккурга эга, ташаббускор, харизматик раҳбарларни тайёрлаш тизимини яратиш янгиланаётган Ўзбекистоннинг стратегик вазифаларидан ҳисобланади. Ижтимоий бошқарув шахслар, ижтимоий гуруҳ, жамоанинг мақсад- вазифаларни самарали бажаришга оид фаолиятнинг изчиллигини таъминлаш мақсадида амалга ошириладиган ижтимоий аҳамиятга эга фаолиятдир.