Маҳалла - тарихий-ижтимоий тузилмасининг ривожланиш истиқболларига бир назар

Маҳалла ижтимоий тарихий-тузилма сифатида қадим замонлардан буён мамлакатимизда маърифат маркази, фуқароларнинг ўзини ўзи бошқариш тизимининг самарали шакли, одамларга энг яқин ижтимоий тузилма, фуқаролик жамиятининг ўзига хос институти бўлиб келган. Кўп миллатли жамиятда авлоддан-авлодга ўтиб келаётган миллий ва умуминсоний қадриятлар, маданиятлараро мулоқот, турмуш тарзи, тафаккур, маънавиятни сақлаб қолиш ҳамда ривожлантиришда маҳалланинг ўрни ва аҳамияти беқиёсдир. Маҳалла - Шарқ тамаддуни, хусусан, Марказий Осиё халқлари турмуш тарзи, тафаккури ва қадриятларига хос бўлган жамият ҳаётини ташкил этадиган анъанавий ижтимоий институт.