Гендер парадигмасининг тамаддунлараро детерминацияси

Бугунги кунда гендер парадигмаси ижтимоий ҳаётнинг муҳим таркибий қисмларидан бири ҳисобланади. Гендер тўғридан-тўғри мавжуд маданият, ижтимоий муносабатларга таъсир қилади. ХХI аср аёлларнинг жамиятдаги мавқеи, уларнинг роли ва миссиясини баҳолашда бурилиш ясади, тарихан аёлнинг анъанавий деб ҳисобланган вазифаси - оиланинг давомчиси, оила ўчоғининг қўриқчиси каби никоҳ ва оила ижтимоий институтларнинг фундаментал асослари билан бир қаторда жамият ҳаётининг фаол иштирокчиси каби мавқеини мустаҳкамлади. Бугун халқаро ҳамжамият 50% ини аёллар ташкил этувчи инсоният жамиятларида эркак ва аёлларнинг гендер тенглиги тамойилини илгари суради. Ҳокимиятнинг бўлиниш назарияси ва умумий сайлов ҳуқуқи билан бир қаторда гендер паритети замонавий демократиянинг асосий тамойилларидан биридир.