Постглобаллашув контекстида маҳалла институтини ривожлантиришнинг концептуал муаммолари

Ўзбекистон Республикаси Президентининг 2021 йилга бағишланган Олий Мажлисга мурожаатномасида мамлакатимиз раҳбари “ Янги Ўзбекистонда эркин ва фаровон яшайлик!” ҳамда “Мамлакатимизда Учинчи Ренессанс пойдеворини барпо этишдек улуғ мақсадни қўйган эканмиз, бунинг учун янги Хоразмийлар, Берунийлар, Ибн Синолар, Улуғбеклар, Навоий ва Бобурларни тарбиялаб берадиган муҳит ва шароитларни яратишимиз керак”, дея таъкидлади. Маҳаллий ўзини ўзи бошқариш тизимининг ривожланиши фуқаролик ҳамжамиятини шакллантириш, иқтисодий-ижтимоий фаровонликни таъминлашнинг зарур шартларидан биридир. Фуқаролик ҳамжамияти конституциявий ҳуқуқ назариясида ҳуқуқ ва демократияга асосланган ижтимоий ҳаётнинг зарур оқилона усули ҳисобланади.