Тамаддунлар конвергенцияси контекстида маҳалла институтининг ривожланиш императивлари

Қадим замонлардан буён маҳалла Ўзбекистонда қудратли маданият маркази, фуқароларнинг ўзини ўзи бошқариш тизимининг самарали шакли, одамларга энг яқин ижтимоий тузилма, фуқаролик жамиятининг ўзига хос институти бўлиб келган. Кўп миллатли жамиятда авлоддан-авлодга ўтиб келаётган миллий ва умуминсоний қадриятлар, маданият, турмуш тарзи, тафаккур, маънавиятни сақлаб қолиш ҳамда ривожлантиришда маҳалланинг ўрни ва аҳамияти беқиёсдир. Маҳалла - Шарқ тамаддуни, хусусан, Марказий Осиё халқлари турмуш тарзи, тафаккури ва қадриятларига хос бўлган жамият ҳаётини ташкил этадиган анъанавий ижтимоий институт.