Низоларни суддан ташқари ҳал қилиш процедуралари

Охирги йилларда оила соҳасида олиб борилаётган тадқиқотлар оилаларнинг мустаҳкамлигига салбий таъсир кўрсатувчи омиллардан бўлган оилавий низоларни ўз вақтида бартараф этиш маҳалла ва оила тизими мутахассисларининг низолар профилактикаси, низолар билан ишлашнинг илғор усулларини ўзлаштирганига ҳам боғлиқлигини кўрсатади. Медиация - (лотинча mediatio - «ўртадаги воситачилик») келиб чиққан низони томонларнинг ўзаро мақбул қарорга эришиш мақсадидаги ихтиёрий розилиги асосида, бетараф учинчи томон, яъни медиатор кўмагида ҳал қилиш усулидир. Ўзбекистон Республикасининг 2018 йил 03 июлда қабул қилинган « Медиация тўғрисида »ги Қонунига биноан медиатор – тарафлар томонидан низони ҳал этиш учун жалб этилган мустақил бетараф шахс.