БАХТ ТУШУНЧАСИ ВА УНИ ЎЛЧОВЧИ ИНДЕКСЛАР

Кўп асрлар давомида "бахт" тушунчаси фалсафий категория бўлиб келган. Ҳозирги кунда "бахт" тушунчасига оид кўплаб ёндашувлар мавжуд. Масалан, гедонист олимлар бахтни ҳис қилиш, лаззатланиш, завқланиш ва қувонч деб қарашган. Эвдемонизмда бахт барқарор, ажралмас яхшилик, барча интилишларнинг мотиви ва мақсади тугал орзу деб тушунилган. XXI-асрга келиб бахт миқдорий категорияга айланиб улгурди ҳамда унинг даражасини формулалар ва ҳисоблашлардан фойдаланган ҳолда ўлчаш мумкин бўлиб қолди. Бугунги кунда аҳолининг бахтлилик кўрсаткичларига таянган ҳолда, нафақат муайян мамлакатда ўзини бахтли ёки бахтсиз ҳис қилаётганлигини ижтимоий жиҳатдан ўрганиш, балки жамиятнинг барқарор ривожланишини белгилашда ва давлат сиёсати йўналишларини аниқлашда аҳамиятли бўлиб қолмоқда. Шунинг учун, Бахтни ўлчаб бўладими? Бахтни ўлчаш нима учун керак? деган саволлар пайдо бўлмоқдаки, бу борада чуқур илмий таҳлил ва тадқиқотлар ўтказиш долзарбдир