Ёшларни оилавий ҳаётга тайёрлашда жинсий-ахлоқий тарбиянинг аҳамияти

Жинсий тарбия маънавий-ахлоқий, жисмоний, ақлий-интеллектуал, эстетик тарбия билан уйғунликда олиб борилиши, оилада бошланиши, ота-оналар, шифокорлар, педагоглар ҳамкорлигида амалга оширилиши, боланинг ёши, жин­си ҳамда бошқа хусусиятларига монанд бўлмоғи даркор. Зеро тарбия фақат жинсий ҳаёт асослари билан таништириш, болаларга гигиеник кўникмалар, эркак ва аёл танасининг тузилиши, жинсий ривожланиш босқичлари ва қонуниятларини англатиш билан чекланмайди, балки жинсга нисбатан қарашни тўғри сингдириб бориш, йигит ва қизларнинг ўзига хос тарбиясига эътибор, гендер тенглиги, фарзандларнинг ўзаро муомалада масофа сақлаши, жинсга оид нозик тушунчалар, уйланиш ва турмуш қуриш билан боғлиқ масалаларни ёшига мос равишда етказиш, бу борада рухсат ва тақиқлар, ҳалол ва ҳаромнинг фарқига боришни англатиш ни ўз ичига олади.