Катталар таълимида компетенциявий ёндашув

Тўртинчи саноат инқилоби, постглобаллашув, информацион жамият, маънавий-ахлоқий қадриятлар трансформацияси, сиёсий ва экологик хатарлар – XXI асрнинг эволюцион парадигмаси инсон, жамият ҳамда таълим олдига янги вазифаларни қўйди, хусусан, таълим-тарбия методологиясини қайта кўриб чиқиш, гуманистик ғояларни ҳимоя қилиш, постмодернистик жамиятда яшаш кўникмаларини эгаллаш, шахсий имкониятларни муттасил ривожлантиришни тақозо этди. “Lifelong learning” - “умр давомида таълим олиш” концепциясининг пайдо бўлгани бежиз эмас. Тараққиёт мутахассисларнинг касбий потенциалини қўллаб-қувватлаш, прогрессив иш услублари, методикалар, технологиялар билан таништириш, амалий компетенцияларини шакллантиришга ҳизмат қиладиган тизим – андрагогика олдига ҳам янги талабларни қўймоқда.