Оилада психологик зўровонлик, сабаблари, оқибатлари ва бартараф этиш усуллари

Оиладаги псиxологик зўровонлик - бу инсонга босим ўтказиш ва унинг қадр-қимматини камситиш, жамиятнинг кичик доираси бўлган оилада содуир бўладиган ҳолатдир. Жабрланувчининг псиxологик холатидан бошқа излар йўқлиги сабабли бу каби зўровонликнинг содир этилганлигини билиш қийин. Бундай зўровонликнинг оқибатлари эса асабий тушкунликдан тортиб, қаттиқ депрессия ва хатто ўз жонига қасд қилишгача бўлган дахшатли оқибатларга олиб келиши мумкин. Бироқ, оқибатларнинг олдини олиш учун унинг сабабларини, турларини ва аломатларини ўз вақтида аниқлаш керак. Шу билан бирга тўғридан-тўғри жабрланувчининг ўзи билан ишлаш талаб этилади. Оиладаги рухий зўровонлик ҳиссий, деб хам аталади. Бу тизимли равишда оиланинг бирор бир аъзосига жисмоний таъсир кўрсатмасдан унинг шахсига зўровонлик кўрсатишдир. Ушбу харакатларнинг мақсади жабрланувчини тажовузкорнинг аниқ ёки яширин истакларига буйсунишга мажбур қилишдир. Жисмоний ва руҳий заиф оила аъзолари - аёллар ва болалар - бу турдаги псиxологик босимдан азият чекадилар. Бироқ, эркаклар ҳам хиссий зўровонлик қурбонига айланишлари мумкин.