ALTERNATIVE DISPUTE RESOLUTION

Alternative dispute resolution, ADR ( инглиз тилида «низоларни муқобил ҳал қилиш») – низоларни суддан ташқари ҳал қилиш процедуралари тўплами. Айтиш керакки, “низоларни ҳал қилишнинг муқобил усуллари” умумий тушунча бўлиб, у анъанавий (суд) амалиётидан ташқари кўпгина формал ва ноформал усулларга нисбатан ишлатилади. Охирги йилларда оила соҳасида олиб борилаётган тадқиқотлар оилаларнинг мустаҳкамлигига салбий таъсир кўрсатувчи омиллардан бўлган оилавий низоларни ўз вақтида бартараф этиш маҳалла ва оила тизими мутахассисларининг низолар профилактикаси, низолар билан ишлашнинг илғор усулларини ўзлаштирганига ҳам боғлиқлигини кўрсатади. Медиация - (лотинча mediatio - «ўртадаги воситачилик») келиб чиққан низони томонларнинг ўзаро мақбул қарорга эришиш мақсадидаги ихтиёрий розилиги асосида, бетараф учинчи томон, яъни медиатор кўмагида ҳал қилиш усулидир.